Talents sér um efnisvinnslu fyrir vefsíður, frá viðtölum og upplýsingaöflun til skrifa, uppsetningar og birtingar. Við hjálpum ykkur að útskýra þjónustuna, sýna reynsluna og svara spurningum viðskiptavina.
Innan fyrirtækisins er mikil þekking. Starfsfólkið þekkir viðskiptavinina, hefur leyst fjölbreytt verkefni og veit hvað skiptir máli þegar fólk velur þjónustu.
Á vefnum sést þessi reynsla ekki alltaf. Þjónustulýsingar eru stuttar, verkefnasögur vantar og góðar hugmyndir að greinum bíða þess að einhver hafi tíma til að skrifa þær.
Talents heldur utan um þessa vinnu og kemur efninu í birtingu.
Efni sem hjálpar viðskiptavinum að velja
Við vinnum með ykkur að efni sem skýrir hvað þið gerið, fyrir hverja og hvernig þið getið hjálpað.
Þjónustan getur meðal annars náð yfir:
- Þjónustulýsingar: Skýrar upplýsingar um þjónustu, umfang og næstu skref.
- Verkefnasögur: Raunveruleg dæmi um þarfir viðskiptavina, framkvæmd og niðurstöður.
- Fræðslugreinar: Svör við spurningum sem koma upp í sölu og þjónustu.
- Algengar spurningar: Hagnýtar upplýsingar sem hjálpa fólki að undirbúa fyrirspurn eða kaup.
- Uppfærslu eldra efnis: Yfirferð svo upplýsingar endurspegli núverandi þjónustu og áherslur.
Við sjáum einnig um uppsetningu og birtingu samkvæmt samkomulagi, þar á meðal fyrirsagnir, myndir, tengla og lýsigögn.
Hvað er öðruvísi en að láta AI skrifa grein?
Gervigreind getur hjálpað við hugmyndavinnu og textagerð. Sérstaða fyrirtækisins kemur hins vegar úr raunverulegri reynslu: verkefnunum sem þið hafið unnið, aðferðunum sem þið notið og spurningunum sem viðskiptavinirnir spyrja.
Við sækjum þessar upplýsingar til ykkar með stuttum viðtölum og yfirferð á fyrirliggjandi efni. Síðan vinnum við úr þeim skýran texta, staðfestum staðreyndir með ykkur og undirbúum efnið fyrir birtingu.
Gervigreind getur stutt við úrvinnsluna. Talents heldur utan um heimildir, ritstjórn, samþykktir og birtingu. Verkefnasögur byggja á staðfestum upplýsingum og tilskildum heimildum til birtingar.
Tvær leiðir eftir umfangi
Fyrirtæki hafa ólíkar þarfir fyrir efni. Sum vilja reglulega birtingu og viðhald á vefnum en önnur þurfa að sinna umfangsmikilli efnisvinnslu á hverjum degi.
Þjónustusamningur um efnisvinnslu 99.900 kr. + VSK á mánuði
Mánaðarleg þjónusta fyrir fyrirtæki sem vilja birta greinar og verkefnasögur, bæta þjónustulýsingar og halda upplýsingum uppfærðum. Felur í sér allt að 20 vinnustundir á mánuði en samið er um verkliði og umfang efnisverkefna, viðtöl, yfirferð og birtingu. Unnið er eftir sameiginlegri efnisáætlun með skýrum forgangi.
Starfsmaður í fullu starfi við efnisvinnslu 499.000 kr. + VSK á mánuði
Þessi leið hentar fyrirtækjum, vefverslunum og markaðsteymum sem þurfa samfellda vinnu við texta, vörulýsingar, vefuppfærslur og birtingar. Starfsmaður sinnir verkefnum viðskiptavinarins í samstarfi við þá sem bera ábyrgð á markaðsmálum og miðla sérþekkingu fyrirtækisins.
Í báðum tilvikum eru umfang, tungumál, hæfniþörf og þjónustugjald staðfest áður en samstarf hefst. Ábyrgð á staðreyndayfirferð og samþykki fyrir birtingu er skilgreind frá upphafi. Ljósmyndun, myndbandagerð, umfangsmikil hönnun og vefþróun eru metin sérstaklega.
Lítil fyrirhöfn fyrir ykkur, regluleg birting á vefnum
Við byrjum á að skoða þjónustuna, markhópana og hvaða upplýsingar vantar á vefinn. Úr því verður afmörkuð efnisáætlun með skýrum forgangi.
Mánaðarleg þjónusta getur til dæmis falið í sér eitt stutt viðtal við sérfræðing, eina grein eða verkefnasögu og uppfærslu á tengdri þjónustusíðu.
Þið leggið til þekkingu og samþykkið efnið. Við sjáum um að vinna það áfram og koma því á vefinn. Umfang og birtingartíðni eru ákveðin með ykkur.
Þannig verður vefurinn betri stuðningur við söluna, með efni sem starfsfólk getur vísað í og viðskiptavinir notað til að meta þjónustuna.
Hvaða reynsla og þekking á skilið að sjást betur á vefnum ykkar? Hafið samband við contact@talents.is og við finnum fyrsta viðfangsefnið.
